Këngëtarja e njohur kosovare, Adelina Ismaili, ka lëshuar në treg albumin e saj më të ri.
Pas lancimit të videos muzikore, “Trimit tim”, e cila i kushtohet ish- të dashurit të saj Triumf Riza, Adelina ka lëshuar në treg një album që nuk përmban më shumë se tetë këngë.
Shumica e këngëve të saj janë këngë të lehta dhe jo këngë të cilat jemi mësuar zakonisht t’i dëgjojmë nga kjo këngëtare.
Me këtë album Adelina rikthehet në skenë pas një pauze gjatë gjithë vitit 2007, ku ajo ishte detyruar të pushojë për shkak të sugjerimeve të mjekut të saj.
Ylli i filmit, Angelina Jolie po merr ne konsideratë së bashku me partnerin e saj, Brad Pitt, që të lind fëmijët e saj në Francë.
Aktorja, më nuk po provon që të fsheh barkun e saj të madh, dhe atë e ka bërë në sy të publikut gjatë promovimit të filmit “Kung Fu Panda”, në të cilin film zërat e animuar, se bashku me Jolie, i luajnë edhe aktorët Jack Black dhe Dustin Hoffman.
"Kam binjakë", ka thënë aktorja e cila ishte e veshur me një fustan të bardh.
E pyetur rreth raporteve se a planifikon ajo të lind në Francë, ajo ka thënë: “Nuk kemi vendosur ende por po mendojmë që këtë ta bëjmë në Francë”.
Këngëtarja Vesa Luma e cila u rëndit e dyta për çmimin e madh të Top Fest 5, si dhe fitoi çmimin e platformës "DigitAlb", ka paralajmëruar për media se së shpejti do të paraqitet me një spot të saj.
Këngëtarja e cila ka pasur një problem me shitjen e albumit të saj të fundit ka thënë se promovimi më i mirë është krijimi i spoteve, pasi që vetëm kështu mund të arrin një sukses dhe të ftohesh nëpër koncerte nëpër trojet e shqipes dhe me gjerë.
Luma ishte finaliste në edicionin e “Etheve të së premtes mbrëma”, të prezantuesit shqiptar, Adi Krasta, dhe që nga ajo kohë ka pasur një sukses të konsiderueshëm në Kosovë dhe Shqipëri.
Aktorja Julia Roberts ka thënë se ajo kurrë nuk përdor deodorante, dhe se e ruan veten të pastër dhe të freskët vetëm me ndihmën e sapunit dhe ujit.
“Kurrë nuk përdor deodorante. Nuk janë gjë e preferuar e imja”, ka thënë aktorja, e cila ka shtuar se sapuni dhe uji janë të vetmet produkte higjienike që ajo më së shumti i përdor.
Roberts, dominoi gazetat gjatë vitit 1999 kur u paraqit në premierën britanike të filmit “Notting Hill”, me qime të dukshme nën sqetull. Aktorja aktualisht është duke xhiruar filmin e saj të ri, “Duplicity”, me aktorin Clive Owen.
Rokeri i varur nga droga, Pete Doherty, është kthyer në fenë Islame derisa gjendet në burg dhe lexon vazhdimisht Kuranin për t’i ndihmuar atij për t’u përballur me jetën brenda burgut.
Ylli i grupit “Babyshambles”, 29-vjeçar, ka kërkuar përkthimin e librit të shenjtë, pasi që ishte izoluar në një qeli, në burgun e Londrës gjatë javës së kaluar.
“Ai po lexon Kuran që kur shkoi në izolim. Ai ka shumë miq myslimanë dhe ata i kanë preferuar më herët që të studiojë atë libër. Tash ai mendon se është koha ta bëjë”, ka thënë një burim brenda burgut.
“Jam i befasuar se sa shumë e ka qetësuar pasi që ai ishte shumë i trazuar brenda. Ai vërtetë duket shumë i ftohur. Ai e mban gjithë kohës në prehër dhe vërtetë është i interesuar. Mendoj se kjo i ka ndihmuar.
Rokeri është dënuar me 14 javë burgim në burgun e Londrës për shkak se e ka thyer lirimin me kusht duke marrë droga.